Мұғалімдер мен дәрігерлер, мемлекеттік қызметкерлер қатаң бақылауға алынады. Мұндай шара сыбайлас-жемқорлыққа қарсы күрес аясында талқынатып жатқан жаңа Заң жобасында қарастырылған.
Бұл шаралардың негізгі мақсаты – мемлекеттік мекемелерде, әсіресе білім беру, денсаулық сақтау және басқа да әлеуметтік маңызы бар салаларда жемқорлықты азайтып, қызмет көрсету сапасын арттыру, себебі дәл осы салаларда пара беру, сыйақы ұсыну, жемқорлық деректері ушығып тұрған көрінеді. Оны құзырлы органдардың байланыс орталықтарына түсетін шағымдардың көбейгенінен аңғаруға болады. Бір сөзбен айтқанда – біздің қоғамда «Рақмет» параға айналғандай. Алғысты сөзбен емес, сый-сыйапатпен алатындар да жауапқа тартылмақ.
Егер сыйлықтың құны 5 айлық есептік көрсеткіш, яғни 19 660 тг-ден асса, оны мемлекеттің меншік қорына табыстау керек, болмаса Заңмен жазаға тартылады.
Жемқорлыққа қарсы заңнаманың қатаңдатылғаны дұрыс-ақ, бірақ айран ішкендер құтылып, шелек жалағандар тұтылмай ма? Бұл жан-жақты талқылауды қажет ететін аса маңызды сұрақ.
Мемлекет басшысы Қасым-Жомарт Тоқаев «Сыбайлас-жемқорлықпен жүйелі түрде күресу – аса қажетті жұмыс. Бұған еш күмән жоқ. Мемлекет жемқорлыққа қатысты құқық бұзушылық фактілерін анықтау ғана емес, жемқорлықтың алдын-алу үшін жұмыс жүргізіп жатыр», – деп нақты тапсырмалар жүктеді.
Жемқорлыққа қарсы саясат қазіргі кезде дұрыс па? Қабылданғалы жатқан Заң алдағы уақытта нәтиже бере ме?
Осы және өзге де сауалдарға Республикалық заң консультанттары алқасының төраға орынбасары Абдыкарым Акжанов AtamekenBusiness телеарнасының «Түскі формат» бағдарламасында жауап берді.
Толық шығарылым сілтеме бойынша:
