2025 жылғы 13 мамырда Шымкент қаласының Жастар ресурстық орталығында Әділет департаментінің қолдауымен Республикалық заң консультанттары алқасының құрамына кіретін Шымкент қ. заң консультанттары Палатасының мүшелері жастарға тегін құқықтық кеңес берді.

Іс-шара барысында әлеуметтік осал санаттағы жастарға кешенді заң көмегін көрсету туралы келісімдер жасалды. Құқықтық кеңес беруге Палата заңгерлері Бағила Жұмабаева, Алтынбек Сапаралы және Аида Махатаева қатысты.

Мұндай іс-шаралар жастардың құқықтық сауаттылығын арттырып, құқықбұзушылықтың алдын алуға ықпал етеді. Сонымен қатар, әлеуметтік осал санаттағы жастардың бұзылған құқықтарын қалпына келтіруге бағытталған нақты қадамдардың бірі болып табылады.