Жоғары Сот Кеңесі Заң консультанттары қауымдастығымен бірқатар кездесулер ұйымдастырды

🤝Кездесулерге Кеңес мүшелері Г. Нұрлықұлов, Г. Шаров, Н. Сисенова, Е. Бегалиев, О. Цай, А. Жакулин, Кеңес жанындағы Сот төрелігі академиясының өкілдері, Қазақстан заң консультанттары Республикалық алқасының Төрағасы Серік Ақылбай, сондай-ақ Республикалық алқа мен өңірлік палаталардың мүшелері қатысты. Іс-шараларға барлығы 1300-ден астам мамандар қатысты. Заң консультанттарының жоғары даярлығы мен жауапкершіліктерінің деңгейі оларды құқықтық жүйенің маңызды қатысушыларына айналдырады. Олардың заңнаманы терең білуі және негізделген ұсыныстар ұсына алуы құқықтық мәселелерді тиімді шешуді қамтамасыз етеді. Бұл қасиеттер заң саласындағы табысты мансапқа берік негіз жасайды және олардың қоғамдағы кәсіби беделін растайды. Кеңес мүшелері Жоғары Сот Кеңесі қызметінің бағыттары туралы егжей-тегжейлі айтып, судьялық лауазымдарға түсу процесін түсіндірді.

✅Кездесулерге қатысушылар барлық сұрақтарға, соның ішінде біліктілік емтиханына және судьялық лауазымдарға іріктеуге қатысты жауаптар алды. Мұндай бастамалар заңдылық пен құқықтық тәртіпті қамтамасыз ету үшін ынтымақтастықтың маңыздылығын атап өтіп, заң саласындағы өзара іс-қимылды нығайтуға ықпал етеді. Кеңес мүшелері ашықтық пен айқындылыққа деген адалдықтарын растай отырып, одан әрі ынтымақтастыққа дайын екендіктерін білдірді.

❗️Жоғары Сот Кеңесінің Төрағасы Дмитрий Малаховтың басшылығымен Кеңес заң қоғамдастықтары арасындағы өзара іс-қимылды нығайту жөніндегі бастамаларды қолдауды жалғастыруда.