Ағымдағы жылдың 7 наурызында БАҚ үшін "Адал сайлау үшін" штабы мүшелерінің брифингі өтті.

Думан Жампейісов Республика Мәжілісі мен мәслихаттарының депутаттарын сайлауда сайлаушылардың дауыс беру рәсімінің ерекшеліктері туралы айтып берді.

Дауыс беру жергілікті уақыт бойынша сағат 7.00-20.00 сағаты аралығында өтеді.

Учаскелік сайлау комиссиясы дауыс беру уақыты мен орны туралы сайлаушыларды он күннен кешіктірмей хабардар етеді.

Бұл ретте дауыс беруге арналған үй-жайда тұрған адамдар сайлау комиссиясы белгілеген ережелерді қатаң сақтауға міндетті. Дауыс беру күні дауыс беруге арналған үй-жайда сайлау процесіне қатысы жоқ бөгде адамдардың болуына тыйым салынады.

Әбдікәрім Ақжанов әрбір сайлаушының жеке дауыс беретіні туралы хабардар етті. Дауыс беру құқығын беруге, сондай-ақ сайлауда басқа адамдарға дауыс беруге жол берілмейді.

Жекелеген сайлаушылар денсаулық жағдайы бойынша, отбасының науқас мүшесіне күтім жасау себебінен, сондай-ақ сайлау учаскелері құрылмаған шалғай және қол жеткізу қиын аудандарда болған жағдайда дауыс беру үшін келе алмайтын жағдайда, учаскелік сайлау комиссиясы олардың жазбаша өтініші бойынша дауыс беру күні жергілікті уақыт бойынша сағат он екіден кешіктірілмей берілуі мүмкін, осы сайлаушылардың тұрған жерінде дауыс беруді ұйымдастыруға тиіс.

Әнуарбек Сқақов сайлау бюллетеньдерін жасырын дауыс беру үшін кабинетте жеке дауыс берушілер толтыратынын атап өтті. Оларды толтыру кезінде дауыс берушіден басқа біреудің қатысуына тыйым салынады.

Бюллетеньдерді өз бетінше толтыруға мүмкіндігі жоқ сайлаушы өзі сенетін адамның көмегін пайдалануға құқылы және оның тегі дауыс бергеннен кейін сайлаушы қолының қасында сайлаушылар тізіміне енгізіледі.

Бұл тұлға: 1) сайлау комиссиясының мүшесі; 2) жергілікті өкілді немесе атқарушы органның лауазымды адамы; 3) кандидаттың сенім білдірілген адамы; 4) бұқаралық ақпарат құралдарының өкілі - журналист; 5) тиісті сайлау комиссиясында тіркелген байқаушы бола алмайды.

Брифинг соңында қатысушылар БАҚ сұрақтарына жауап берді.

Сілтемелер:

https://baigenews.kz/ob-osobennostyah-protsedury-golosovaniya-rasskazali-yuristy_148692/ https://baigenews.kz/vybory-2023-chto-zabyvayut-deklarirovat-kandidaty-v-deputaty_148693/ https://www.youtube.com/watch?v=Qbrz41nZxQY https://qazaqstan.tv/index.php/news/172636/ https://el.kz/amp/adal-saylau-ushin-shtab-musheleri-dauys-beru-erezhelerin-tusindirdi_67093/ https://baq.kz/saylau-2023-saylauda-dauys-beru-rasiminin-erekshelikteri-qanday-299005/ https://baigenews.kz/yurist-prokommentiroval-zaderzhaniya-kandidatov-v-deputaty-mazhilisa_148696/ https://yk.kz/news/politika/vyiboryi-2023-chto-zabyivayut-deklarirovat-kandidatyi-v-deputatyi-297376.html https://www.youtube.com/watch?v=7mBLFHPEgHE