Іс-шара Бала құқықтары туралы Конвенцияға сәйкес ұлттық және халықаралық деңгейдегі тиісті шараларды және балалардың құқықтарын қорғау саласындағы өзекті мәселелер мен жетістіктерді талқылау үшін алаң ұсынды.

Шара барысында қатысушылар баланың құқықтары мен мүдделерін қорғау бойынша ұлттық заңнамалық тәжірибелерімен бөлісті. ЮНИСЕФ өкілдері Бала құқықтары туралы конвенция шеңберінде ұйымның халықаралық құжаттарына шолу жасады. Осыдан 30 жыл бұрын Қазақстан Бала құқықтары туралы конвенцияны ратификациялады. 2023 жылы Қазақстан осы Конвенцияға үшінші Факультативтік хаттаманы ратификациялады. Хаттама 18 тәуелсіз сарапшыдан тұратын БҰҰ жанындағы Бала құқықтары жөніндегі комитетке балалардың немесе олардың ата-аналарының жеке шағымдарын жолдау тетігін айқындайды.

Республикалық заң консультанттары алқасының құрамына кіретін Астана қ. заң консультанттары палатасының мүшелері дәріс жұмысына белсене қатысты: спикерге сұрақтар қойды, пікір алмасты.