Төтенше жағдайдың алғашқы күндерінен бастап-ақ Республикалық заң консультанттары алқасы халыққа тегін заң көмегін көрсету бойынша Қазақстан Республикасы Адам құқықтары жөніндегі уәкілінің бастамасын қолдады. Эльвира Әбілқасымқызы атап өткендей, өңірлердегі көптеген азаматтарымыз, оның ішінде әсіресе ұсталғандар білікті заң көмегіне өте мұқтаж болды.

Алқа мүшелері – заң консультанттары палаталары республикалық маңызы бар қалалар мен облыстардағы «Атамекен» Ұлттық кәсіпкерлер палатасында, «Әділдік жолы» Республикалық қоғамдық бірлестігінде, Әділет департаменттерінің қабылдау бөлмелерінде, әкімдіктерде шұғыл түрде мобильді кабинеттер ұйымдастырды, онда барлық өңірлердегі заң консультанттарының жедел желі телефондары көрсетілді.

Заңгерлеріміз барлық мұқтаж, зардап шеккен, сондай-ақ тұрмысы төмен қазақстандықтарға онлайн және офлайн форматтарда құқықтық көмек көрсетті.

Мысалы, жеке тұлғалар мен шағын және орта бизнес субъектілері ұрлық, мүлікті бүлдіру, Алматы қаласы мен елдің жекелеген өңірлеріндегі бұлғақтан болған залалды өндіріп алу, азаматтардың бұзылған құқықтары мен бостандықтарын қорғау және қалпына келтіру, жұмыс берушінің заңсыз әрекеттері және тағы басқа өзекті мәселелер бойынша кеңестер алды.

Зардап шеккен шағын және орта бизнес субъектілері үшін ұсынымдар, нұсқаулықтар, сондай-ақ ТЖ кезеңіндегі іс-қимыл алгоритмі дайындалды.

Жалпы, қаңтар айында 2600-ден астам (екі мың алты жүзден астам) адамға, оның ішінде Алматы қаласы бойынша 550-дей адамға тегін заң көмегі көрсетілді. Елімізде орын алған қаңтар оқиғалары заң консультанттарын мемлекет кепілдік берген заң көмегін көрсету субъектілерінің қатарына адвокаттармен тең дәрежеде заңнамалық негізде енгізу өте қажетті және маңызды екенін көрсетті.

Республикалық заң консультанттары алқасы өткен жылдың шілдесінде ғана құрылғанына қарамастан, әсіресе мұқтаж азаматтарға тегін заң көмегін көрсету заң консультанттары палаталарының қызметінде айрықша басымдыққа ие. Осылайша, өткен жылдың екінші жартыжылдығында 27 000 (жиырма жеті мыңдай) азаматқа көмек көрсетілді.

Сөзімді қорытындылай, алдағы уақытта азаматтарға тегін заң көмегін көрсету жөніндегі жұмыс жалғасатынын атап өткім келеді.

Біздің заңгерлер қолданыстағы заңнама аясында келтірілгензалалды өндіру және басқа да туындаған сұрақтар бойынша барынша заң көмегін көмегін көрсетуге дайын. Өңірлердегі заң консультанттарына жедел желі телефондары арқылы хабарласуға болады.

Республикалық заң консультанттары алқасының Төрағаның орынбасары Атағазиева Бақтыгүл Сапарқызының Хабар24 телеарнасына берген сұхбаты төмендегі сілтемеде: https://24.kz/.../item/524375-pravovaya-podderzhka-grazhdan