Биылғы жылдың 2 маусымында Республикалық заң консультанттары алқасы «Республикалық референдум – жаңа Қазақстан құрудағы маңызды қадам» тақырыбымен дөңгелек үстел өткізді.
Іс-шара жұмысына еліміздің 14 өңірінен Заң консультанттары палаталары, «Әділдік жолы» РҚБ, БАҚ өкілдері қатысты.
Дөңгелек үстел спикерлері Мемлекет басшысының саяси бастамалары тұрғысынан еліміздің болашағы үшін маңызы бар Қазақстан Республикасының Конституциясына енгізілетін өзгерістерге тыңдаушылардың назарын аударды.
Дөңгелек үстелге қатысушылар Конституциялық соттың құрылуын, Адам құқықтары жөніндегі уәкілдің рөлінің күшейтілуін, өлім жазасыың күшін жоюды және т.б. қолдау білдірді.
Сондай-ақ, заң консультанттары еліміздің Негізгі Заңына енгізілген өзгерістер бойынша өңірлердегі азаматтар арасында жүргізіліп жатқан белсенді түсіндіру жұмыстары туралы хабардар етті.
Республикалық заң консультанттары алқасының төрағасы Серік Байсейітұлы Ақылбай Конституцияға енгізілетін демократиялық өзгерістер азаматтардың құқықтары мен заңды мүдделерін қорғауды қамтамасыз етуге ғана емес, мемлекеттік аппарат қызметіне де елеулі серпін беретініне тоқталды.
Ол дөңгелек үстелдің барлық қатысушылары мен тыңдаушыларын өздерінің конституциялық құқығын пайдалануға және референдумға белсенді қатысуға шақырды.
