2026 жылғы 9 қазанда Республикалық заң консультанттары алқасы «Талап қоюға дейінгі және талап-арыз жұмысы» тақырыбында оқыту вебинарын өткізді.
Вебинарға Алқа құрамына кіретін палаталардың 130-дан астам заң консультанты қатысты.
Вебинар спикері ретінде Алматы қаласы Медеу аудандық сотының судьясы, құқық магистрі, бизнес-тренер Динара Бекеновна Куйкабаева сөз сөйледі.
Вебинар барысында Қазақстан Республикасының азаматтық процестік заңнамасына 2025-2026 жылдары енгізілген өзекті өзгерістер, сондай-ақ сотта азаматтық істерді дайындау мен жүргізудің практикалық мәселелері қаралды.
Даулардың ведомстволық бағыныстылығы мен соттылығын айқындау, сот ісін жүргізу түрін таңдау, дауды сотқа дейін міндетті түрде реттеу тәртібін сақтау және талап қою арызын дұрыс рәсімдеу мәселелеріне ерекше назар аударылды. Спикер талап қою арызына қоса берілетін құжаттарға қойылатын талаптарды, бұйрық арқылы және оңайлатылған жазбаша іс жүргізудің ерекшеліктерін, қарсы талап қою тәртібін, сондай-ақ талап қоюдың ескіру мерзімі мен процестік мерзімдерге қатысты мәселелерді де қарастырды.
Вебинардың жеке бөлімі талап қоюды қамтамасыз етуге, дәлелдемелерді сұрату туралы өтінішхаттарды дайындауға және дәлелдемелер базасымен жұмыс істеуге арналды. Қатысушылар талап қоюды қамтамасыз ету шараларын негіздеу, цифрлық дәлелдемелерді ұсыну, сот процесінде хат-хабарлар мен электрондық құжаттарды пайдалану, сондай-ақ сарапшылардың қорытындылары мен куәлардың айғақтарын қоса алғанда, дәлелдемелерді зерттеуге дайындалу жөніндегі практикалық ұсынымдармен танысты.
Қатысушылардың ерекше қызығушылығын сұрақ-жауап сессиясы тудырды. Оның барысында соттылық пен сот ісін жүргізу түрін таңдау, дауды сотқа дейін реттеу тәртібін сақтау, талап қою арыздарын дайындау және талап қоюды қамтамасыз ету мәселелеріне қатысты практикалық жағдайлар талқыланды. Сонымен қатар қатысушылар азаматтық процестік заңнама нормаларын қолдануға байланысты жекелеген мәселелер бойынша түсіндірмелер алды.
Вебинар қорытындысы бойынша қатысушылар Динара Бекеновнаға мазмұнды баяндамасы, практикалық ұсынымдары және сот практикасының өзекті мәселелерін түсіндіргені үшін алғыс білдірді.
Республикалық заң консультанттары алқасы заң консультанттарының біліктілігін арттыру, кәсіби құзыреттерін дамыту және практикалық тәжірибе алмасу бойынша жүйелі жұмысын жалғастыруда.
Өткізілген оқыту іс-шаралары туралы ақпаратпен және вебинарлар жазбаларының мұрағатымен Алқаның ресми сайтынан танысуға болады:
