Ағымдағы жылдың 24 қыркүйегінде Республикалық заң консультанттары алқасы және Астана қ. заң консультанттары Палатасы «Ғылым және құқық» кәсіптік даму Институтымен ынтымақтастық туралы Меморандумға қол қойды.

Меморандумға қол қоюға РЗКА төраға Серік Ақылбай, Астана қ. Палатасының басшысы Ануарбек Скаков және кәсіби даму институтының директоры Назиля Раззак қатысты.

Меморандумның басты мақсаты – білім беру үдерісі мен ғылыми зерттеулерге, материалдық-техникалық базаны дамыту мен нығайтуға, «Ғылым және құқық» кәсіптік даму Институтының білім алушылары мен қонақтары арасында заң консультанттары қызметінің қағидаттарын насихаттауға және өзара сыйластық қағидаттары мен сенім негізінде ынтымақтастықты нығайту және дамыту болып табылады.

Өзара тиімді ынтымақтастыққа үміттенеміз!