Ағымдағы жылдың 24 мамырында Республикалық заң консультанттары алқасы Алматы қаласы Медеу аудандық сотының судьясы Д.Б. Куйкабаевамен бірлесіп «Заңгерлерге келіссөздер жүргізу дағдылары» тақырыбында оқыту вебинарын өткізді.
Келіссөздер әр адамның күнделікті өмірінің құрамдас бөлігі болып табылады. Барлығымыз күнделікті туыстарымызбен және достарымызбен сөйлесеміз, әріптестерімізбен, басшылықпен және басқа адамдармен қарым-қатынас орнатамыз.
Заңгер үшін келіссөздер кәсіптің ажырамас бөлігі, мәмілелерді жасау, келіспеушіліктерді шешу және басқа да мәселелерді шешудің маңызды кезеңі болып табылады.
Сауатты келіссөз жүргізе білу – бұл мамандықтың негізгі дағдыларының бірі. Кейбір адамдар қатал стильді таңдайды, басқалары ымыраға келуге тырысады, бірақ ең бастысы – қарсыластың позициясының астарында нақты мақсатты көру және келіссөздердің нәтижесі екі тарап үшін де тиімді екеніне көз жеткізу. Келіссөздердің сәтті болуы көптеген факторларға, соның ішінде кәсібилікке, психологиялық көзқарасқа және тіпті сәттілікке де байланысты.
Вебинар барысында спикер Динара Бекеновна дауды сотқа дейін шешу, партисипативтік рәсімдер, келіссөздер процесі, тараптардың мүдделері, қабылдаудың әсері және т.б. туралы егжей-тегжейлі түсіндірді.
Вебинарды 120-дан астам адам тыңдады, қатысушылар өз тәжірибелерімен бөлісті, спикерге сұрақтар қойып, пікір алмасты.
Вебинар соңында заң консультанттары палаталарының мүшелері спикерге және Республикалық заң консультанттар алқасына өзекті тақырып пен қызықты вебинар үшін алғыстарын білдірді.
Вебинар жазбасына сілтеме: https://cloud.mail.ru/public/GEB8/frd4uL7Z9
