Студенттерге заңнаманы түсіндіру бойынша профилактикалық іс-шаралар шеңберінде ағымдағы жылдың 15 қарашасында Ақмола облысы заң консультанттары Палатасының мүшелері – Марат А.Т., Яхияев Г.С., Ыдырыс Н.С. және Қуандық Б.Т. Қызылорда қаласы Қазанғап атындағы Жоғары музыкалық колледжінің студенттерімен «Кәмелетке толмағандар арасындағы құқық бұзушылықтарды анықтау, топтық төбелес, нашақорлық, қорқытудың, кибербуллингтің алдын алу» тақырыбында кездесу өткізді.

Спикерлер тыңдаушыларға құқық бұзушылық, топтық төбелес, нашақорлық, қорқыту және кибербуллинг үшін жауапкершілік туралы, полиция органдарының тұрақты негізде «Балалар қауіпсіздігі», «Жасөспірім», «Абайлаңыз балалар» түнгі рейдтік іс-шараларын өткізетінін түсіндірді.

Спикерлер студенттердің барлық сұрақтарына жауап берді.

Кездесу соңында колледж әкімшілігі мен студенттер ұйымдастырушыларға жемісті жұмысы үшін алғыс білдірді.