2023 жылдың 21 ақпанында «Адал сайлау үшін» штабының мүшелері Әл-Фараби атындағы Қазақ ұлттық университетінің заң факультетіндегі 2 курс студенттерімен кездесу өткізді, оған Алматы қаласы Әділет департаментінің өкілдері, адвокаттар, заңгерлер, нотариустар және басқа да заңгерлік қоғамдастық өкілдері қатысты.
Алғы сөзді заң факультетінің деканы, з.ғ.д., профессор Байделдинов Даулет Лайкович алып, сайлау 2023 жылдың 19 наурызында өтетінін және 18-ге енді ғана толған көптеген студенттер қатыса алатынын және алғаш рет өз дауыстарын депутаттар үшін беретіңдерің айтты. Бұл еліміздегі ең маңызды саяси оқиға екенің жеткізді.
Алматы қаласы заң консультантары палатасының төрайымы Гүлнар Әуелбекқызы Бердібекова алдағы сайлаудың негізгі жаңалықтарына тоқталды. Парламент Мәжілісін жаңа жүйе бойынша құру туралы, партиялық тізімдер бойынша (69 депутат) бір мандатты аумақтық сайлау округтері бойынша (29 депутат). Қазіргі уақытта Қазақстанда сайлауға қатысатын 7 саяси партия тіркеліп, жұмыс істеуде.
- «Қазақстан халық партиясы»;
- «Ауыл» халықтық-демократиялық патриоттық партиясы»;
- «Ұлттық социал-демократиялық партиясы»;
- «АМАНАТ» партиясы»;
- «Қазақстанның «Ақ жол» Демократиялық партиясы»;
- «Қазақстан Жасылдар партиясы» Байтақ»;
- «Республика».
Партиялардың өту шегі 7-ден 5 пайызға дейін төмендетілді. Партиялар мен үкіметтік емес ұйымдардан ғана емес, өзін-өзі ұсыну арқылы да ұсынуға мүмкіндік болды.
Сайлау кезектен тыс болса да, алты ай бұрын жарияланды. Партиялық тізімдегі әйелдерге, жастарға және ерекше қажеттіліктері бар адамдарға арналған 30 пайыздық квота мандаттарды бөлуге де қолданылады. Мәжілістің жаңа құрамында Қазақстан халқы Ассамблеясының квотасы болмайды.
Мәжіліс пен мәслихаттар сайлауына арналған бюллетеньдерде алғаш рет «бәріне қарсы» деген графа болады.
Облыстық аумақтық сайлау комиссиялары қазір кәсіби негізде жұмыс істейді. Сайлаушылар бес бюллетень бойынша (республикалық маңызы бар қалаларда – төрт бюллетень бойынша) дауыс береді.
«Адал сайлау үшін» штабының мүшесі Сихимбаев Нұрлан Жолдасбекұлы сайлау құқығын бұзғаны үшін жауапкершілікті түсіндіріп, сонымен қатар студенттер өз міндеттерін орындап, барлық деңгейдегі депутаттарды сайлау құқығын пайдаланады деген сенім білдірді.
