✅ РКЮК құрамына кіретін Астана қ. заң консультанттары Палатасының мүшелері сыбайлас жемқорлыққа қарсы қызметпен белсенді ынтымақтасады
2025 жылғы 1 сәуірде сыбайлас жемқорлыққа қарсы мемлекеттік саясатты іске асыру аясында сыбайлас жемқорлыққа қарсы мобильді топ «Сарыарқа» сауда ойын-сауық орталығында елорда тұрғындарымен ақпараттық-кеңес беру кездесуін өткізді. Іс-шара азаматтардың құқықтық сауаттылығын арттыруға және оларға сыбайлас жемқорлыққа қарсы күрес мәселелері бойынша жедел құқықтық көмек көрсетуге бағытталған.
Кездесу барысында азаматтарға құқықтық көмекті Республикалық заң консультанттар алқасының құрамына кіретін Астана қаласының заң консультанттары палатасының мүшелері көрсетті. Қала тұрғындары сыбайлас жемқорлыққа қарсы іс-қимылдың әртүрлі аспектілері бойынша кеңестер ала алды, сыбайлас жемқорлықты анықтау және алдын алу бойынша іс-әрекеттер туралы сұрақтар қойып, заң бұзушылықтар анықталған жағдайда көмек сұрады.
Мобильді топ өкілі: «Сыбайлас жемқорлыққа қарсы іс-қимыл жөніндегі «жедел желілердің» жұмысын, сондай-ақ консультациялар алу және шағымдар беру үшін сыбайлас жемқорлыққа қарсы қызметке жүгіну мүмкіндігін түсіндіруге ерекше назар аударылды. Сыбайлас жемқорлыққа қарсы мобильді топтар азаматтардың құқықтық көмек пен ақпаратқа қолжетімділігін қамтамасыз етуде, сондай-ақ мемлекеттік және жеке құрылымдардың ашықтығын арттыруда маңызды рөл атқарады. Біз әрқашан сауалдарға жедел жауап беруге және азаматтарды сыбайлас жемқорлықтан қорғау үшін қажетті құқықтық біліммен және құралдармен қамтамасыз етуге дайынбыз», – деп атап өтті.
«Сарыарқа» СОО-дағы акция қоғамның барлық деңгейлерінде құқықтық хабардарлықты арттыру және сыбайлас жемқорлыққа қарсы іс-қимыл мақсатында қаланың әртүрлі аудандарында өткізілетін бірқатар кездесулердің бір бөлігі болды.
Астана қаласы Заң консультанттары палатасының қатысуымен сыбайлас жемқорлыққа қарсы мобильді топ Қазақстанда заңдылық пен әділеттілікті нығайтуға ықпал ету мақсатында өз жұмысын жалғастыруда.
