Құрметті заң консультанттары !

700 000 теңге көлемінде сыйақы тағайындауға арналған Pro bono үздік заңгері конкурсы жалғасуда.

Конкурсқа қатысу үшін заң консультанттары тегін заң көмегі бойынша барлық қолда бар деректерді ұсынуы қажет.

Конкурсты ұйымдастырушы деректердің құпиялылығына кепілдік береді.

Заң консультанттары болып табылмайтын заңгерлер мен қоғам белсенділері ішінен жасақталған тәуелсіз конкурстық комиссия тегін заң көмегі бойынша ұсынылған деректер негізінде үздік заңгерді таңдайды.

Бұдан бұрын өткізілген конкурстың нәтижелері тәуелсіз конкурстық комиссия мүшелері деректерді зерделеуі кезінде мынадай негізгі критерийлерге назар аударатынын көрсетті:

(1) клиенттердің кері байланысы арқылы тексерілетін заң көмегінің сапасы;

(2) тегін заң көмегін алған клиенттер саны;

(3) клиент проблемасының күрделілігі;

(4) заң көмегін көрсетудің толықтығы.

Деректерді жинау мынадай екі тәсілмен жүзеге асырылады:

1) бірінші тәсіл – клиенттерді тіркеу журналын мына сілтемедегі нысан бойынша толтыру: https://docs.google.com/spreadsheets/d/1IQeHcb1ChkztfYwIdpxioyMhrVuEze9uAZ0_ahFWMIA/edit?usp=sharing. Мұқтаж азаматтарға тегін заңгерлік көмек көрсететін заң консультанты 2021 жылдың 15 шілдесінен бастап жүргізген барлық жұмыстарын көрсете алады. Кестеде заң көмегі көрсетілгені жөніндегі деректер неғұрлым көп болса, соғұрлым Сіздің конкурсты ұтып алуыңызға мүмкіндік мол болмақ. Кестелерді Сіздің Заң консультанттары палатасының төрағасына екі рет ұсыну керек: 2022 жылдың 31 қаңтарына дейін (қаңтар айына немесе егер бұған дейін алдыңғы айлар бойынша кестелер ұсынылмаса 2021 жылдың 15 шілдесінен бастап барлық кезеңге) және 2022 жылдың 14 ақпанына дейін (ақпанның екі аптасына).

2) екінші тәсіл - Lawcenter тегін мобильді заңгерлік көмек қосымшасы арқылы. Конкурсқа қатысу үшін қосымшаны қалай пайдалануға болатыны туралы мына жерде танысуға болады: https://www.instagram.com/p/CTCZHJEsBCk/

Клиенттер Lawcenter қосымшасындағы тапсырысты қалай құрастыратынын және аяқтайтынын түсіну үшін Сіз мына сілтеме арқылы қысқа бейне клиппен таныса аласыз: https://www.instagram.com/p/CSwaUFSl_e6/

Қазіргі уақытта «Жас заңгерлер палатасы» қоғамдық бірлестігінің парақшасында халық арасында тегін заң көмегін алу мүмкіндігі туралы жарнама жүргізілуде. Жарнамалық хабарламамен мына жерден таныса аласыз: https://www.instagram.com/p/CYRmZSqNy6t/?utm_source=ig_web_copy_link. Қосымшада көптеген өзекті тапсырыстар жасалуда.

Осылайша, заң консультанттарына конкурсқа қатысу үшін деректер ұсынудың екі мүмкіндігі ұсынылады.

Pro bono үздік заңгері конкурсының қорытындылары 2021 жылдың 16 ақпанында шығарылады.

Баршаңызға табыс тілейміз!