Ағымдағы жылдың 30 шілдесінде қала әкімінің тапсырмасы бойынша Шымкент қаласының «Арбат» алаңында «Халық заңгері» акциясы өтті.

Іс шара аясында жергілікті атқарушы органдар мен аумақтық және құқық қорғау органдарының өкілдері прокурорлар, тергеушілер, сот орындаушылар, адвокаттар, нотариустар тұрғындарға көмек көрсетті.

Республикалық заң консультанттары алқасының құрамына енетін Шымкент қ. заң консультанттары палатасының мүшесі Кенжаев Д.А. акция жұмысына қатысып, тұрғындардың толғандырған мәселелерін шешуге көмектесті.

Акцияның мақсаты – халықтың құқықтық сауаттылығын арттыру және өзекті мәселелерде тегін заң көмегін көрсету. Бұл бағыттағы шаралар алдағы уақытта да түрлі форматта жалғасатын болады.