Ағымдағы жылдың 25 қаңтарында Астана қаласында РКЮК құрамына кіретін Астана қ. заң консультанттары Палатасы мүшелерінің ұйымдастыруымен «Қазақстанда бизнес жүргізудің құқықтық және салықтық аспектілері» атты құқықтық форум өтті.

Форум республиканың бизнес-қоғамдастығының құқықтық сауаттылығын арттыруға, заң консультанттарының кәсіби құзыреттерін дамытуға, сондай-ақ пікір және тәжірибе алмасуға бағытталды.

Іс-шара Қазақстан Республикасында бизнесті ашуды жоспарлап отырған немесе жүргізіп жатқан кәсіпкерлерге, сондай-ақ олардың қызметін сүйемелдейтін консультант-сарапшыларға бағытталды.

Оқытуды төрт маман жүргізді: Пономарев Булат @bulat_ponomarev – бизнеске арналған келісімшарттар: негізгі ерекшеліктері және тәуекелді азайту; Туркенов Диас @dias.turkenov – Қазақстанда салықтық тексерулерге шағымданудың практикалық аспектілері; Чичков Александр @chichkovlaw – көші-қон құқығы және ЕАЭО қызметкерлерін ресімдеу және Марков Антон @markov.legal – Қазақстан мен Ресей соттарындағы кәсіпкерлердің құқықтарын қорғау стратегиялары.

Барлық спикерлер көп жылдық тәжірибесі бар өз саласының кәсіби мамандары болып табылады.

Форум жоғары деңгейде өтіп, білім мен тәжірибе алмасудың нәтижелі алаңына айналды. Іс-шара қорытындысы бойынша қатысушылар сертификаттар алып қана қоймай, жетекші сарапшылардан құнды практикалық ұсыныстар ала алды.