2026 жылғы 6 маусымда Республикалық заң консультанттары алқасының құрамына кіретін Астана қаласының заң консультанттары палатасының Astana Zanger Palata (AZP) шағын футбол командасы LLF Astana әуесқой футбол лигасының көктемгі маусымындағы 35+ санаты, «B» лигасы аясында кезекті жеңісіне қол жеткізді.

Тартысты өткен матчта AZP командасы ALASH Logistics командасын 1:0 есебімен жеңді. Кездесудің тағдырын жалғыз гол шешіп, командаға лайықты жеңіс пен кезекті үш ұпай сыйлады.

Айта кету керек, AZP командасы LLF Astana турнирінің осы маусымындағы дебютант болып табылады. Соған қарамастан, ұжым елордадағы ең мықты әуесқой командалармен тең дәрежеде бәсекеге түсіп келеді. LLF әуесқой футбол лигасы Қазақстандағы ең беделді футбол лигаларының бірі саналып, елдің үздік әуесқой командаларын біріктіреді.

Команданың жарыстарға қатысуы ұжымдық рухты нығайтуға, салауатты өмір салтын насихаттауға және заң қоғамдастығы өкілдері арасында спорт мәдениетін дамытуға ықпал етеді.

Astana Zanger Palata командасын кезекті жеңісімен құттықтап, алдағы ойындарда толағай табыстар тілейміз!