Алматы қаласының Заң Консультанттары Палатасы қала прокуратурасымен және ҚР Қаржы нарығын реттеу және дамыту агенттігімен бірлесіп №68 гимназия мектебінде құқықтық түсіндіру жұмыстарын жүргізді. Кездесу барысында оқушылармен мектеп ортасында есірткіге жол бермеу, людомания (ойынға тәуелділік), осындай жағдайлардан шығу жолдары және өскелең ұрпақтың құқықтық сауаттылығы туралы мәселелер талқыланды.
Осындай жұмыстар №38 Қазақстан-Ресей гимназиясында да жүргізіліп, оқушыларға есірткі қолданудың, гаджеттер мен ойын автоматтары арқылы құмар ойындарға қатысудың салдары бар әлеуметтік роликтер көрсетілді, сондай-ақ олар ұялы телефон арқылы алаяқтық схемаларға тартылу жағдайларын талқылады.
